Note:
Ho sempre avuo l’indoe de sparar cagae, de far el paiàtz, de far ridara zente. O in manco provarghe. Far ridar a zente lè beissimo, me crea gioia e me fa sentir apprezzà.Signor Ciòme lè nasùo un giorno, tanti anni fa par sbaglio, ho tacà scrivar cazzae sol me profilo facebook, come che fa tanti, e ho vist che, nient, fea ridar. No me mai piasest scrivar, infatti par tanti anni ho fat foto, e andee in crisi quando vèe da scrivar calcossa su me stesso par presentar i me lavori. Ma, cazzada dopo cazzada, ho scoperto che invetze adore scrivar, me diverte, me immerge in te n’altro mondo. Sì, iè e classiche paroe dei pesudo artisti, “entro nel mio mondo... viaggio con la mente... bla bla bla”. Ma in realtà è così.Me piase raccontar situazioni strane a volte vere, altre inventae, altre volte un fià e un fià. Robe che tutti pensa, che tutti ha provà, ma che se vergogna de dir, o che no riesse a mettar a fuoco e descrivar. Tante persone me conferma sta roba e ne son contento, perchè lè proprio cuèl el mè obiettivo.In conclusion? In conclusion, nient, questo lè el secondo libro de Signor Ciòme, se no vè ciot el primo, compreo, feve tutta a colezion che cusì podè far i sboroni coi amici. Ve dise za, nol sarà perfetto, sarà errori, sarà robe sbagliae, ma amen, massa parecio rovinarae l’atmosfera amateur dèe me paroe.Quindi, ciapè quel che riva.E bacioni.Signor CiòmeAlessio Cadamuro |
